modyayad
بدأت أعمل قلق أهوه
عدد الرسائل : 35
تاريخ التسجيل : 27/09/2007
 | موضوع: كرهتك يا شعري ... ۞ ..شعر عامي.. ۞  الجمعة سبتمبر 28, 2007 3:01 pm | |
| كرهتك يا شِعري بجد وحقيقي
كرهتك ف شوقي و فرحي وضيقي
كرهتك وخايف
مانا قلبي عارف
و مين غيرك انت يطفي حريقي
كرهتك يا شعري بجد و حقيقي
------
كرهتك ف قيدك يلجم لساني
كرهتك لأني ف شعري اناني
و كل لما بكتب
بنافق وبكدب
و اخون فيا نفسي وبرسم اماني
كرهتك يا شعري لأنك اناني
------
كتبتك يا شعري عشانها و فيها
بتعشق كلامي ف روحها وعينيها
و دلوقتي بعدت
و خانت ونسيت
و سابت قصايدي ودمعي راويها
كرهتك يا شعري ولو حتى فيها
------
مشاعري حتبقى ف قلبي وبس
مانا كنت بكتب ولا حد حس
دا مكتوب لقلبي
حيفضل يخبي
و مكتوب ف حبي متظهرش شمس
كرهتك يا شعري كرهتك وبس
| |
|
